Bugun sizlar bilan yana bir kuzgi mavsumiy taom Tandir qovoqning tayyorlanish usuli bilan bolishamiz. Ushbu vitaminlarga boy taomni tayyorlan oila a’zolaringiz va yaqinlaringizni xursand qiling.

Demak, kerakli masalliqlar:

•  1 dona katta salla oshqovoq;

•  200 gr dumba;

•  200gr mol go’shti;

•  100 gr qaynatilgan makkajo’xori;

•  4 dona kartoshka;

•  2 ta sabzi;

•  1,5 choy qoshiq tuz;

•  3-4 ta yalpiz barglari.

Tayyorlash jarayoni: Dastlab, qovoqning ustki qismi ehtiyotkorlik bilan olinadi. Song, o’tkir pichoq bilan qovoqning ichki qismi ham tozalanadi. Bo`shagan qovoq ichiga to`rtburchak qilib to`g`ralgan masalliqlarni galma-gal solamiz. Avval dumba yog’ini terib olamiz, keyin kartoshka, go`sht, so`ng sabzini terib, tuz sepamiz. Keyin esa makkajo`xorilarni ustidan piyoz va yalpizni qo`yib, 200 gr suv quyamiz. Jarayon avvalida kesib olingan qovoqning bosh qismini qopqoq sifatida yopamiz va qovoqqa mos qoppoqli qozonga solib qizib turgan tandirning cho`g`lariga ko`mamiz. Tandirning og`zini ham yopib qo`yamiz. 25- 30 daqiqada  taom  tayyor bo’ladi.

Yoqimli ishtaha!