Siqmon  qadimiy taomlardan biridir. Uning tarkibidagi asosiy maxsulotlardan biri juyan uni avvallari Xorazmda ko’p  iste'mol qilingan. U oddiy undan farqli o`laroq to`yimli va yuori kaloriyaga ega.  Rangi to`q jigarrang bo`ladi. Xorazmda chekka hududlarda bu qadimiy taom haligacha tayyorlanib kelinadi.     

                 Ushbu taomning tayyorlanish usulini siz bilan bo`lishamiz.                           

Kerakli masalliqlar:

• 1ta (800-1000gr) mol tuyog’i
• 200gr  sabzi
• 150gr piyoz-
• 300gr  kartoshka
• 50gr  pamidor qoqi
• 300gr  juyan uni
• 1osh qoshiq  tuz

Tayyorlash jarayoni: Qozonga mol tuyog’i va go`sht solinadi,  2 soat o`rta olovda qaynatiladi, qaynab chiqqach ko’piklari  olib tashlanadi. Yirik to`rtburchak  to`g`ralgan sabzavotlar va pamidor qoqi solinadi. Pomidor qoqi qaynab chiqgach qozondan alohida olinib maydalab yana qozonga solindi. Shunda sho`rvaning  rangi qizil va tiniq bo`ladi.  Lekin tuz solinmaydi ya’ni tuzsiz qaynatiladi. So`ngra juyan uniga sho`rvadan bir cho`mich olinadi va cho`mich ichiga 1 osh qoshiq tuz solinadi va eritiladi. Shundan so`ng, juyan uniga solib qoshiqda hamir qoriladi. Hamir issiq xolda bo`ladi, keyin kapgirni qo`lga olib qozon tepasida tutiladi va xamirdan bir bo`lak olinib  kapgir ustiga qo`yiladi va qolni kaft qismi bilan bosiladi.  Kapgir orasidan hamir mayda uzun bo`laklarga bo`linib tushadi va sho`rvada qaynashni boshlaydi. So`ng sho`rvani tuzi ta’tib ko`riladi va ta’bga ko`ra tuz solinadi. Xamir pishgach  sho`rvani bitta katta chuqur idishga  suzib ko`katlar bilan dasturxonga tortiq qilinadi.

Qo`shimcha tavsiya: Sho`rvani iloji boricha go`shtlar pishgach qozondan olgan ma`qul, shunda  go`sht bo`laklarga bo`linib ketmaydi. Agarda sizda pamidor qoqi bolmasa uning o`rniga oddiy pamidor yoki tomat pastasi ishlatsa xam bo`ladi. Jugan uni topilmagan holda esa javdar unidan foydalanish tavsiya etiladi.

Azamat Ro`ziboyev taqdim etgan ma'lumotlar asosida tayyorlandi.