O‘zbekiston Gastronomik Turizmi assotsiatsiyasi O‘zbekiston respublikasi Adliya Vazirligidan 17.07.2019 y. № 887-sonli guvohnoma bilan ro‘yxatdan o‘tkazilgan. Assotsiatsiyaning asosiy maqsadi – O‘zbekistonning gastronomik turizmini rivojlantirish, ommalashtirish va targ‘ib qilish, umumiy ovqatlanish hamda maishiy xizmat ko‘rsatish sohasidagi jismoniy va yuridik shaxslarni birlashtirish, ularning sa’yyi-harakatlarini safarbar etish, himoya qilish, faoliyatini rivojlantirishga ko‘maklashish, O‘zbekistonga tashrif buyuruvchi sayyohlar oqimini ko‘paytirish, jahon miqyosida keng ommalashgan gastronomik sayyohlik infrotuzilmalarini yaratish, gastronomik turizmning konseptsiyasini ishlab chiqishdan iborat. Assotsiatsiyaning asosiy vazifalari quyidagilar hisoblanadi: O‘zbekistonning gastronomik turizmini jadal rivojlantirish, ommalashtirish va faol targ‘ib qilishga ko‘maklashish; O‘zbekistonda zamonaviy, rivojlangan va raqobatbardosh gastronomik turizm sanoatini tashkil etishga ko‘maklashish; umumiy ovqatlanish hamda maishiy xizmat ko‘rsatish sohasidagi jismoniy shaxslarni birlashtirish, ularning faoliyati samaradorligini va mavqeini yuksaltirish, gastronomik servis ko‘rsatish sohasida xalqaro standartlarga javob beradigan mutaxassislar tayyorlash. Hamkorlarga Siz o‘z restoran, dam olish maskani, bog‘, mehmon uyi va sayyohlar uchun mo‘ljallangan ko‘chmas mulk obyektlariga egasimisiz? O‘z obyektingizni sayyohlar qadami uzilmaydigan joyga aylantirmoqchimisiz? Unda bizga murojaat eting! O‘zbekiston Gastronomik turizmi marshruti bo‘yicha eng ommabop maskanga aylaning!